مسابقة على خفيف

1) بتعلق فانوس فى البلكونة بتاعتكوا؟

غالبا لأ



2) يا ترى بتجيب صواريخ وتضربها ساعة المدفع؟

لأ خالص


3) اول يوم رمضان بتاكل ايه؟

اكل عادي


4) بتصلى التراويح كل رمضان ولا فى الأول بس؟

كله


5) لازم تاكل كنافة وقطايف كل يوم؟

لأ



6) بتتسحر الساعة كام؟

قبل الفجر بساعه الا ربع

7) بتختم القرآن الكريم كام مرة؟

كل رمضلن بختمه مره واحده الا اللي فات مرتين


8) بتطلع شنطة رمضان؟

لأ


9) بتفطر على التمر؟

اه


10) ايه تانى من أعمال الخير بتعمله فى الشهر ده؟

الصدقه و الدعاء و صلة الارحام و بر الوالدين


11) بتابع المسلسلات اللى بتتعرض فى رمضان؟

لأ ابدااااا


12) ايه المشروبات اللى بتكون على سفرتك؟

لبن او تمر بلبن


13) انت نباتى ولا بتحب اللحوم؟

نباتي


14) لو جالك أطفال خبطوا عليك وقالوا لك عايزين حسنة هتديلهم ولا لأ؟

ان شاء الله


15) بيعدى من تحت بيتكوا مسحراتى؟

اه


16) بتسمع مين من الدعاة خلال الشهر الكريم؟

مبسسمعش الصراحه


17) لازم أول يوم تعزم مين؟

مش انا اللي بعزم بابا و ماما


18) يا ترى مخاصم حد؟

لأ الحمد لله


19) نفسك تدعى بايه رمضان ده؟

حاجات خاصه بيا انا


20) حسيت ولو مرة انك قمت فى ليلة قدر؟


اه الحمد لله

انا اقصد من السؤال يا عاصم
لازم أول يوم تعزم مين؟
مش شرط انت الى تعزم انا اقصد انت نفسك تعزم مين ؟

واشكرك على ردك واتمنى الى انت تكون دايما معانا ومتنقطعش

1) بتعلق فانوس فى البلكونة بتاعتكوا؟

لا



2) يا ترى بتجيب صواريخ وتضربها ساعة المدفع؟

لا
3) اول يوم رمضان بتاكل ايه؟

كل خير انشاء الله

4) بتصلى التراويح كل رمضان ولا فى الأول بس؟

كله
5) لازم تاكل كنافة وقطايف كل يوم؟

لا

6) بتتسحر الساعة كام؟

قبل الفجر بشوية

7) بتختم القرآن الكريم كام مرة؟
1

بتطلع شنطة رمضان؟
لا

9) بتفطر على التمر؟

طبعا

10) ايه تانى من أعمال الخير بتعمله فى الشهر ده؟

الصدقة والقران طبعا وساعات الصوم ههههههههههههه

11) بتابع المسلسلات اللى بتتعرض فى رمضان؟

لا لانها بتيجى متاخر واحنا معندناش دش وبفضل النت اكتر

12) ايه المشروبات اللى بتكون على سفرتك؟

اموت فى التمر الهندى واعشق قمر الدين واحب العرقسوس

13) انت نباتى ولا بتحب اللحوم؟
انا اموت فى كل الاكل


14) لو جالك أطفال خبطوا عليك وقالوا لك عايزين حسنة هتديلهم ولا لأ؟

الصراحة لا لان بيكون معظمهم حرامية

15) بيعدى من تحت بيتكوا مسحراتى؟

اه

16) بتسمع مين من الدعاة خلال الشهر الكريم؟

عمر خالد

17) لازم أول يوم تعزم مين؟
بطنى

1 يا ترى مخاصم حد؟
اه اهنتوا عيزين الصراحة

19) نفسك تدعى بايه رمضان ده؟
ان ربنا يوفقنى فى الى نفسى فيه

20) حسيت ولو مرة انك قمت فى ليلة قدر؟
لا

ايه يا جماعة انتوا فين

معلش دخلت متأخر

1) بتعلق فانوس فى البلكونة بتاعتكوا؟

اه بس حاليا لا عشان احنا فى السعودية و مجبناش فوانيس ههههههههه

2) يا ترى بتجيب صواريخ وتضربها ساعة المدفع؟

لا خالص

3) اول يوم رمضان بتاكل ايه؟

أكل عادى

4) بتصلى التراويح كل رمضان ولا فى الأول بس؟

كل رمضان بس الصراحة السنة دى لا عشان المسجد اللى قدام بيتنا مش بيصلى التراويح بس هصليها فى البيت ان شاء الله

5) لازم تاكل كنافة وقطايف كل يوم؟

لا

6) بتتسحر الساعة كام؟

قبل الفجر بساعة نص ساعة تقريبا

7) بتختم القرآن الكريم كام مرة؟

مرة واحدة للأسف

بتطلع شنطة رمضان؟

لا

9) بتفطر على التمر؟

طبعا

10) ايه تانى من أعمال الخير بتعمله فى الشهر ده؟

الصلاة و الصدقة و صلة الرحم

11) بتابع المسلسلات اللى بتتعرض فى رمضان؟

لا

12) ايه المشروبات اللى بتكون على سفرتك؟

التمر هندى بس التمر باللبن الأول و العرقسوس

13) انت نباتى ولا بتحب اللحوم؟

أنا بحب كل الأكل الحمدلله

14) لو جالك أطفال خبطوا عليك وقالوا لك عايزين حسنة هتديلهم ولا لأ؟

أحيانا اه و أحيانا لا عشان أنا بحس بالفقير اللى بجد

15) بيعدى من تحت بيتكوا مسحراتى؟

اه

16) بتسمع مين من الدعاة خلال الشهر الكريم؟

أدعيه الشيخ محمد حسان و الشيخ محمد يعقوب فى القرآن بسمع مشارى بن راشد العفاسى

17) لازم أول يوم تعزم مين؟

الفقراء اللى وراء بيتنا

1 يا ترى مخاصم حد؟

لا الحمد لله

19) نفسك تدعى بايه رمضان فى ده؟

حاجات كل صلاة باستفتح بيها الأدعية و كل ما أدعى بادعى بيها الا و هى"اللهم اغفر لنا و أرحمنا ، اللهم أجعلنا من الشهداء اللهم اجعلنا سببا فى تحرير الأقصى" و بعد كده بادعى باللى أنا عايزه ساعتها

20) حسيت ولو مرة انك قمت فى ليلة قدر؟

اه الحمد لله مرة واحدة و محستش بالشعور ده تانى
حسيت أن بهواء شديد خلانى أرتعش فى الصلاة و زاد فى خشوعى و ساعتها كنت هعيط مش عارف ليه بس تقريبا تدبرت الآيات لأول مرة فى حياتى و كانت أول يوم فى حياتى أبقى فرحان بالطريقة دى
و خرجت من الصلاة و أنا مفرفش وفرحان و كنت موجودفى الصف الأول ساعتها الحمد لله

الله ايه الجمال ده يا باشا غلبتنى المهم عيزين الناس الباقية

شكرا يا باشا

بس مفيش حد بيخش أصلا

أنت شايف عاصم دخل بالعافية

و الباد بوى برده زيه

أنا و أنت و دودى الوحيدين اللى بنخش باستمرار

معلش

بس عايز أقولك حاجة

أنت معاهم فى المدرسة و نفس الصف و عارف فصولهم و أنا فى السعودية

بص أنت تعمل اجتماع طبعا ماتزيعهوش فى المنتدى لا قولهم و قولهم يخشوا على المنتدى كتير

أنا هقولك معاذ هو كان فى فصل هارون الرشيد السنة اللى فاتت مش عارف السنة دى هيبقى فى فصل ايه اسأل بأه

خلاص

مع السلامة

والله ببعتلهم بس الى مسافر وانت عارف باه حتى دودى مشتركش

أحب أن أقدم أسفي أولاً بسبب عدم الدخول باستمرار زي الأول بس وعد ان شاء الله هاخش دايماً اكتر من الأول لأني كان عندي ظروف شخصية كنت بره البيت معظم الوقت

وعلشان ما طولش عليكم انا هابدأ في حل الأسئلة ويا رب أكسب إن شاء الله

هههههههههههههههههههههههههههه

1) بتعلق فانوس فى البلكونة بتاعتكوا؟

لا طبعاً لاني ما عنديش بلكونه أنا في الدور الأول وبيتي مكون من دور واحد بس أنا أحياناً بعلق فانوس فس الصالة بالضبط زي زيتة رمضان معلقها في الصالة


2) يا ترى بتجيب صواريخ وتضربها ساعة المدفع؟


زمان لما كنت صغير كنت زي العفريت بضرب صواريخ وبمب كمان وكنت بعمل اختراعات مدمرة ، لو عايز تعرفها يا ريت تقرأ ذكريات لا مذكرات وانت هاتعرف . بس نصيحة ماتجربش

3) اول يوم رمضان بتاكل ايه؟

كل حاجة وأي حاجة الآقيها أمامي بس انا بحب أي حاجة من عمل يد أمي


4) بتصلى التراويح كل رمضان ولا فى الأول بس؟

الحمد لله

5) لازم تاكل كنافة وقطايف كل يوم؟

لا طبعاً لسبب بسيط جداً وهو أني مابحبش الكنافة

6) بتتسحر الساعة كام؟

أنا بحب السحور جداً وبصحي العائلة بتاعتي كلها علشان تتسحر وكمان لسبب مهم جداً صلاة الفجر
فلذلك أنا ببقى حريص تمام الحرص أن العائلة كلها تكون بتتسحر قبل الفجر مباشرة علشان نخلص سحور ونروح الجامع كلنا . والله شكلنا بيكون غاية في الروعة يا ريت الكل يجربها ويقولي على شعوره.

7) بتختم القرآن الكريم كام مرة؟

هذا سر بيني وبين ربي ولا أحب أن يطلع عليه أحد . بس فيه ناس بتختم القرآن كل ثلاثة أيام وناس كل سبعة وناس كل عشرة وناس كل شهر وهذا أدني شئ .

لكن في رمضان لابد أن يكون لدى الانسان عزيمة أن يختم القرأن على ألاقل ثلاث مرات في هذا الشهر.

8) بتطلع شنطة رمضان؟

ان شاء الله قدر المستطاع . ويا ريت ماتطلعش شنطة واحده يا ريت تتشارك انت وأهل الحي أو العمارة ونطلع شنط رمضان وندخل الفرحة على قلوب المساكين.

9) بتفطر على التمر؟

أن شاء الله . فأنا أعشق التمر . في رمضان وغير رمضان

10) ايه تانى من أعمال الخير بتعمله فى الشهر ده؟

صلة الرحم ، زيارة الناس في بيوتهم ( من أعرف ومن لا أعرف ) ، اصطحاب بعض الكتب وتوزيعها على الناس في الميكروباص حتى ينتبهوا أننا لسنا في شهر الكلام .

11) بتابع المسلسلات اللى بتتعرض فى رمضان؟

لا طبعاً , لاني بصراحة مش فاضي للمسلسلات وبعدين انا هاضيع وقت رمضان في المسلسلات . يا ريت الكل ينتبه وبدل ما نسمع مسلسل نصلي ركعتين لله . وليكن شعارنا في رمضان " وعجلت إليك ربي لترضى "

12) ايه المشروبات اللى بتكون على سفرتك؟

تمر هندي وعرق سوس ( لأبي غفر الله له ) أما أنا فأتناول التمر .

13) انت نباتى ولا بتحب اللحوم؟

كل اللي يجيبه ربنا كويس وانا أقبل عليه طالما حلال.

14) لو جالك أطفال خبطوا عليك وقالوا لك عايزين حسنة هتديلهم ولا لأ؟

والله هاديهم حتى لو مش هايبقى في البيت ولا لقمة واحدة . علشان ربنا ينمي الصدقة دي ويكبرها وبعدين أنا ممكن أصبر على جوع الدنيا أما يوم القيامة مش هاصبر.

15) بيعدى من تحت بيتكوا مسحراتى؟

ايون لان المسحراتي جارنا

16) بتسمع مين من الدعاة خلال الشهر الكريم؟

مافيش وقت للاستماع.

17) لازم أول يوم تعزم مين؟

أبي وأمي .


18) يا ترى مخاصم حد؟

إن شاء الله مافيش حد , وكمان في رمضان مافيش وقت للخصام والزعل .


19) نفسك تدعى بايه رمضان ده؟

أن يرزقني الله عملاً صالحاً متقبلاً ثم يقبضني عليه . أن يبلغني الله ليله القدر ، أن ينظر الله لي في أول ليلة من ليال رمضان ، أن أرى مكاني في الجنة .( دعاء غريب شوية ... بس دي أمنية )


20) حسيت ولو مرة انك قمت فى ليلة قدر؟[/size][/color][/quote]
بصراحة كتير وكل مرة أقول لنفسي يمكن ماتكنش هي دي ليلة القدر .
هاختم بس بطرفة كانت بتحصل لي وانا في الاعتكاف في العشر الأواخر من رمضان ، كنت بفضل طول الليل صاحي وكمان طول النهار بس لما ارجع مرة واقول أنا عاوز أنام كل اللي معايا في المسجد يقوم يصلي ويجتهد في العبادة عارفين ليه لان دي بتكون ليلة القدر . تكررهذا الامر على مدار أكثر من ثلاث سنوات متتاليات .

ممتاز كده كل الاعضاء الى بيدخلوا جاوبوا والتقييم جارى
طبعا انتوا عارفين مفيش رشاوى
هههههههههههههههههههههههههههههههه

بس انا لسة ماجاوبتش :(

اه صح انا مش هقيم الا لما تجاوب بس بسرعة

1) بتعلق فانوس فى البلكونة بتاعتكوا؟

زمان بابا كان كل رمضان يجيب فنوس ليا انا و اخوتى بس دلوكتى قول للزمان ارجع يا زمان هاهاهاهاها واحنا معلقنهوش فى البلكونة غير مرة وحدا بس عندنا فى مدخل العمارة شويت حجات عن رمضان



2) يا ترى بتجيب صواريخ وتضربها ساعة المدفع؟
بص انا مفيش حاجا بكرها فى حياتى قد الصوريخ بتخرم ودانى و انا ساكن بجانب نادى طنطا ومقلكش شغلين ليل ونهار صوريخ مبكتش بسمع

3) اول يوم رمضان بتاكل ايه؟

دا بيعتمد يعنى اصل اول يوم لازم اكل مع علتى و تيتا وعمى وخالى وبكدا ماما بتتعب جدا لان مثلا خالى يحب المكرونه وكدا بس السنة دى انا كلت تشكين بانيه و مكرونه

4) بتصلى التراويح كل رمضان ولا فى الأول بس؟
دا بيعتمد لو رجلى شيلانى كان بها ولو مش شيلانى اصلى فى البيت او اعد لحد نص الترويح فى المسجد اصل المسجد الى جنبى بياخد وقت كتير دا بيقعد لحد الساعه 11 بس كلو بثوابو

5) لازم تاكل كنافة وقطايف كل يوم؟
لا دا انا مبكلهاش غير 5 او 6 مرات وسعات لما ماما تعمل مبكلش


6) بتتسحر الساعة كام؟
يعن الساعة 3 او 3 و نصف بابا بيصحينى اكل و اصلى الفجر
7) بتختم القرآن الكريم كام مرة؟
يعنا الى قدر عله عمرى محسبتها بس اكيد مرة على الاقل

8) بتطلع شنطة رمضان؟
لا مش معايا فلوس كفايا بس تقريبن والدى و امى بيطلعو

9) بتفطر على التمر؟
اكيد وسعات تمر بلبن وفى ناس بتقول عليها سنه

10) ايه تانى من أعمال الخير بتعمله فى الشهر ده؟

صدقة مذاكرة ادعية ولعب لان كل حاجة لو عملتها بنية الى الله تعتبر عمل خير
11) بتابع المسلسلات اللى بتتعرض فى رمضان؟

لا مش كتير بس بحب اتفرج على التليفزيون وانا بأكل مسلسل كرتون فيلم برنامج اى حاجه
12) ايه المشروبات اللى بتكون على سفرتك؟

الحقية بيبء فى بيبسى وانا ال بطلبه ولو مفيش يبقى عصير واكيد ميا و تمر هندى وميه بعسل

13) انت نباتى ولا بتحب اللحوم؟


ولا دا ولا دا لو الاكل معمول كويس يبقى حيتاكل حيتاكل وتبعن مفيش حاج وحشه بتيجى من ست الحبايب
14) لو جالك أطفال خبطوا عليك وقالوا لك عايزين حسنة هتديلهم ولا لأ؟
لو معايا حدله بس بيبء اقصى حاجه جنيه او 2 جنيه انا مش غنى اوى يعنى


15) بيعدى من تحت بيتكوا مسحراتى؟
ولاهى معرف انا ببء نايم وانا بسحر يدوبك اكل واصلى الفجر واخش انام على السرير عدل

16) بتسمع مين من الدعاة خلال الشهر الكريم؟
ولاهى مبسمعش انا بحب اقرء ادعية بتبقى اسهل

17) لازم أول يوم تعزم مين؟
جوبت دا قبل كدا فى السؤال بتاع الاكل

18) يا ترى مخاصم حد؟
المرادى لا بس حتا لز كنت انا بحاول اتصلح فى رمضان

19) نفسك تدعى بايه رمضان ده؟

متعدش اول حاجا السنويه العامه تتلغى ياعم دا فى ناس بتنتحر منها وتبقى الكلية اللى عايز يدخل اى كلية يدخلها يزاكر وياخد انتحان عليها و مصر تنظف ومحدش يرمى ورق فى الشارع وتبعا ترجع وحدة العرب وقونهم و فلسطين و العراق يتحررو وحجات شخصيه زى ان انا انجح وجيب درجات حلوه
20) حسيت ولو مرة انك قمت فى ليلة قدر؟
لا والعلم عند الله ممكن يارب يكون دا حصل ولو محصلش انشاء الله حيحصل

شكرا يا باشا على الاجوبة الحلوة دى ومستنيين من الباقى

ايه يا عم وحشتنا
أنت فين مش بتخش ليه؟
عايزين تفاعل يا عامل ديفيل بوى

1) بتعلق فانوس فى البلكونة بتاعتكوا؟


بصراحة بصراحة لالا
لاسباب كتير
اولها انه ماعندناش بلكونة اصلا
ثانيا حتى لو عندنا بلكونة ماعندناش حد طويل
ثالثا عمرى ما اشتريت فانوس كبير
رابعا نفسى فى فانوس مالوش وصف ومش لاقيه حتى الان




2)يا ترى بتجيب صواريخ وتضربها ساعة المدفع؟


نفسى بس بابا مش بيحب الدوشة
وبعدين انا مشاغب جدا
وبحب الصواريخ جدا
بس مش عشان ادوش بيها الناس
لا عشان باحس انها بتنفس عن غضبى




3) اول يوم رمضان بتاكل ايه؟


هيكون ايه يعنى غير لحمة
بص والدتى فى اعتقادها ان اللحمة هى افضل طعام يقوى كل عيان
ومفيش زيها
على الرغم انها بتتعبها هى ووالدى
بس تقول والدك عيان ولازم يتغذى واللحمة هى الغذاء
ودايما تقول جدتك"الله يرحمها ويغفر لها" كانت تقول الاكل بيدفن المرض





4) بتصلى التراويح كل رمضان ولا فى الأول بس؟


اه الحمد لله المسجد جنبنا نفسى اروح مسجد بعيد شوية بس والدى مدلعنى حبتين
عشان مفيش غيرى جنبه بيخاف عليا فلازم اكون معاه فى نفس المسجد
اعمل ايه اصل انا كنز




5) لازم تاكل كنافة وقطايف كل يوم؟


لا طبعا لانى مش مدمن حلويات فلو اكلتها ممكن اكلها مرة او مرتين فى الشهر
ويمكن ولا مرة تعمل ايه فيا اصلى رياضى ورشيق
ههههههههههههههههههههههههههه




6) بتتسحر الساعة كام؟



يعنى حوالى الساعة 3






Cool بتطلع شنطة رمضان؟


اكذب عليك لو قلتلك كلها
بس بأشارك فيها
ياسلام وانت بتوضبها بايدك احساس رهيييييييييييييييييييب بجد
وانت عارف يا عوبد
اهئ اهئ اهئ
المصروف عالقد ونظافة الجيب مالها حد




9) بتفطر على التمر؟

ايون واحيانا عالمية بس
وخد بالك انت ماحددتش اى نوع من التمر :lol:
اصل فيه واحد صاحبى ربنا يكرمه خلانى ادمنت التمر الهندى
دا حتى بقيت اعمله بايدى
انا بقيت مدمن ياعبدو :cyclops:



10) ايه تانى من أعمال الخير بتعمله فى الشهر ده؟

معلشى ياعوبد دى بقة شئ داخلى بينى وبين ربنا :oops:




11) بتابع المسلسلات اللى بتتعرض فى رمضان؟

ابدا وبعدين انا اصلا باكره كل المسلسلات العربية
كلها تفاهة وبتبث افكار غبية فى رؤوس الشباب المصرى والعربى
وغير كدة انها فى رمضان يعنى المصيبة اكبر
بص ياسيدى
انا كنت مدمن بكار ولازم اشوفه كل يوم
بس دللوقتى امرى لله باتفرج على ظاظا وجرجير



12) ايه المشروبات اللى بتكون على سفرتك؟

تمر -تمر هندى -احيانا سووووبيا- وطبعا مشروبى المفضل "المــــــــــــــــــــاء"





13) انت نباتى ولا بتحب اللحوم؟


بص ياعم انا كنت باحب اللحمة بس ربنا وعدنى بجزار جارنا
بيتاجر فى اللحمة المستوردة اللذيذة
خلانى اعتزلت اللحمة الا احيانا
ففى ايام هجر اللحمة انا لا اكون نباتيا خالصا
يعنى انا باكل الفراخ وباموت فى السمك



14) لو جالك أطفال خبطوا عليك وقالوا لك عايزين حسنة هتديلهم ولا لأ؟


انشاءالله لو معايا هاديهم ولو مش معايا هاطلع معاهم
اهو نلقط رزقنا سوا




15) بيعدى من تحت بيتكوا مسحراتى؟

طبعا
انا كنت زمان بامشى وراهم
بس دللوقت كبرنا
وعلى فكرة احنا عندنا 2 مسحراتى




16) بتسمع مين من الدعاة خلال الشهر الكريم؟

لا احد ولكن احيانا




17) لازم أول يوم تعزم مين؟

ماما وبابا وانا :lol:





Cool يا ترى مخاصم حد؟

كنت مخاصم عمى بس صالحته
ومع ذلك حتى الان لايرد عليا السلام
الحمد لله




19) نفسك تدعى بايه رمضان ده؟


ان ربنا يشفى والدى ووالدتى ويهدينى واياهم
واخص شخص اخر بدعاء سرى




20) حسيت ولو مرة انك قمت فى ليلة قدر

احاول بس اتمنى انى اكون متأكد

ايه الحلاوة دى يا عم دودى ده أنت طلعت ترفيهى أوى و عبدو اللى كان فكرك متشدد و لا حاجة بس الحمد لله طلعت عند حسن ظنى
هههههههههه

مين الى قال كده انت بتقول كلام مقلتوش قبل كده :(
انا خلاص هقيم بس محدش يزعل

يا جماعة بدون زعل النتائج اهه
الاول محمد خميس
التانى استاذ وليد

مبروك
:lol:

واحنا ايه اللى هيزعلنا ياعم الجامد؟
يكفى بس انهم طلعوا محمد واستاذ وليد

الف الف الف الف الف مبروووووووووووووووووووووووووووووووووووووووك

واحنا ايه اللى هيزعلنا ياعم الجامد؟
يكفى بس انهم طلعوا محمد واستاذ وليد

الف الف الف الف الف مبروووووووووووووووووووووووووووووووووووووووك