أحلام ...مجرد أحلام

أخذ " فاهم ومفهوم " أوراقهما ونزلا درجات السلم سريعا ، معلنين بانتهاء يوم عمل شاق ومجهد ، وعندما خرجا إلى الممر ووجدا الممطر منهمرا غزيرا ، فتناول " مفهوم " الجريدة التى معه ووضعها فوق راسه هاتفا : ايه ده المطرة غرقت الدنيا يا " فاهم " يالاه نمد شوية ..

اجابه " فاهم " مبتسما : نصدق انا بحب المطرة قوى وبحس بنشاط كبير لما الدنيا تمطر وبابقى عايز أجرى .

التفت اليه " مفهوم " وهما يسيران بحركة سريعة : والله من تعب الشغل الواحد مش قادر يمشى تقولى اجرى .. يا عم اهمد بقى .

وفى تلك اللحظة وجدا رجلا طويل اللحية حافى القدمين مسرعا خلفهما ومشيرا اليهما بعصا طويلة مناديا باعلى صوته وهو يبدا بالجرى نحوهما صائحا : هما دول التتار هجووووووووووم ، واذا بهما ينظران لبعضهما بضحكة لا تستطيع الخروج ونادى "مفهوم" صائحا : اهى اتحققت امنيتك يا اخويا اجرى بقى ..

واستمرا فى الجرى مطلقين ضحكة قصيرة وبعد فترة توقفا ونظرا خلفهما وكان الرجل اختفى ...

فقال " مفهوم متنهدا : أنا مش عارف ازاى سايبين الناس دى كده فى الشوارع دول خطر على الأمن العام وعلى الناس وخصوصا الستات ...

أجابه " فاهم " مغتاظا : يا عم هى الحكومة كمان عايزها تاخذ بالها من المتخلفين عقليا كمان ، هى الحكومة هاتعملكوا ايه ولا ايه ، دول مش مبطلين شغل الله يكون فى عونهم يا راجل ..

رد " مفهوم " : ايوه صحيح انا نفسى اعرف بس كل يوم والتانى فى مصيبة جديدة ، وكل اما تكلم حد من المسئولين يقولك اصل وفصل ومصل ودى مش مسئوليتى .. أنا عايز اعرف بس هى مسئولية مين امال ..

اجابه " فاهم " : حقيقى الواحد على اخره يا راجل ... مرة تقرا انهم قبضوا على الوزير فلان ورئيس البنك علان والمحافظ اسمه ايه وغيره وغيره ، ده زور وده اختلس وده سرق ، مين اللى بيراقب على الناس دى وبيحافظ على حقوقنا احنا الغلابة ..

رد " مفهوم " قائلا : بس عايز الحق رغم ده كله الواحد عنده امل عارف ليه ؟؟ .. اصل احنا المصريين ما بقناش زى زمان بقى فى حركة ضد الفساد وفى كده نسمة جاية من بعيد بتقول البلد دى ها تطهر قريب ان شاء الله ..

رد عليه " مفهوم " امين يا اخويا ، ونعيش كده فى تقدم ، نقدر نشترى الحاجة بسعرها الحقانى ، ونعيش في أمان ، من غير ما يجى واحد ياخدنى من قفايا بليل (ويقولك قانون الطوارىء ) جالك .. ويبقى كده فى نظام فى حياتنا ومواصلاتنا من غير كوارث ولا اهمال وكل واحد ياخذ حقه وتكون الخدمات كلها سهلة ما فيهاش تعقيد ولا روتين ولا روح وتعالى وغير الورق ده وكله بنظرية " اصل وفصل ومصل " ...

استطرد " فاهم : مشيرا اليه بيده : حيلك حيلك كده أنت خرجتنا من البلد ودخلتنا الجنة ..

رد عليه " مفهوم " وبريق الامل فى عينيه : بكره يجى اليوم ده وابقى افكرك ...

واستمرا في همسهما ومداعابتهما وهما يسيران جنيا إلى جنب تحت انهمار المطر غزيرا وان كان يراود الاثنان حلما واحدا طال انتظاره ، نشوف بلدنا حاجة ثانية من غير فساد ولا قهر ولا ظلم ..

يا ترى هل يتحقق حلمهما يوما ؟؟؟؟

عمرى : 29 مساهماتى : 10257

قانون الطوارىء اتشال وضحكوا علينا وخلوه قانون مكافحة الارهاب
:bom:
الحلم يا استاذنا موجود بس المحاولات لتحقيقه مغلوبة على امرها
:cherry:
والى على الكرسى مش هيقوم ولا بالطبل البلدى
:joker:
جزاك الله خير:
شكرا على الموضوع ومحتاجين منك ردود اكتر من كده
rabbit

**...::| عضو خبير |::...** مساهماتى : 531

كنت فاهم ان فاهم فاهم كل شئ
لكن لاطلع فاهم فاهم ولا مفهوم فاهم فاهم

جزاك الله خيرا عالتوبك ده يا استاذ
مميز بجد

عمرى : 29 مساهماتى : 10257

البلد حالها فى النازل واستاذ وليد مواضيعه فى الطالع
ظريف

يعني مافيش حد رد على الموضع هو يمكن مش عاجبكم بس يا ريت حتى لو مش عاجبكم اكتبوا اي تعليق يحسسني ان فيه حد متابع

شدوا حيلكم شوية يا رجالة

عمرى : 29 مساهماتى : 10257

مش لما تتابع انت الاول يا استاذنا
:shock: