حياتي ... لا... بل ملاكي

لماذا؟؟؟

حاولت لكن لم استطيع ، حاولت لكني لم اتحمل ، لماذا لا استطيع العيش بفردي؟ لماذا دائما واين ما ذهبت احتجت من يعينني؟ هل هذا ضعف مني ؟ ام انه ماذا؟

نعم حاولت ان اعيش بلا انسان يكون بجواري دائما ، وبلا صديق يؤنس وحدتي ، وبلا رفيق يشاركني طريقي، الا انني في كل مرة اسقط واحتاج من يعينني على الوقوف، والغريب في الامر اني في كل مرة اجد من يمد يده لي ليساعدني على الوقوف ،ولكن لا البث حتى افقد هذه اليد التي مدت إلي ، لذلك قررت حقا ان اعيش بلا رفيق او صديق او حتى معين .

قررت ان اكمل طريقي مع كتابي ودراستي فقط ، حتى جاء ذلك اليوم الذي فيه تعرفت على انسانة لا يوجد لها مثيل ، كنت في امس الحاجة الى من يقف بجواري ويمسح دمعتي عن خدي.

دخلت في مشروع تدريب المدرسين الجدد وفيها لم اكن اقترب من احد لاني لم اعد اثق بأحد ، الا ان هذه الانسانة كانت مختلفة جدا عن غيرها ، فلقد افتربت مني وتكلمت معي ، وفي هذه اللحظات بدأت صداقتنا ، الا اني لا ادري لما بدأت صداقتنا بالجدال والخلافات ، ولكن فيمن الأيام بدأت صداقتنا تصبح اكثر تعمق اي اصبحت اخوة في الله.

نعم اخوة ما بعدها اخوة ، كل معاني التضحية تجدها بيننا، بل كل معاني الإثار و الحب .

كنت كلما ازعلتها واغضبتها ، اجدها تأتيني وتعتذر مني وكأنها هي من فعل ذلك ، فتلين قلبي وتطلب مني السماح والعفو ، فما يكون مني الا ان اعتذر منها واخجل من نفسي وازداد احتراما لها . ( ولو كنتم مكان ماذا تفعلون غير ذلك ؟)

وها هي علا قتنا تزداد يوما بعد يوم وكل خلافا بيننا لا يزيدنا الا حبنا لبعضنا واحتراما مني لها وتقديرا منها لي.

واقول لها الآن فهي بعيد عني جسدا الا انها معي روحا J

مساهماتى : 358

القصة دي محسساني إنه لسة فيه ملايكة على الارض
:don't w:

فين أصلا تلاقي حد يسامح حد بكل سهولة كدة
وبالذات البنات مافي واحدة بتعمل كدة مع حد
يعني ايه يزعلها وهي اللى تروح تصالح
دي أكيد خبيثة ووراء تصرفاتها أكيد فيه نية تانية
النوع ده مش موجود اليومين دول
كل دي تصرفات ودلع بنات

مشجعة

وهوا بقة كمان قال ايه بيسامحها مصدع

ومش عارف يعيش لواحده ليه يعني
بسيطة جدا
كلنا لازم ييجي فترة في حياتنا بنعيش فيها من غير حد
وأحيان كتير بنبقى عايشين وخلاص بدون وجود حد في حياتنا

أنا أسفة جد إني أقول إن القصة دي خيالية قوي وبعيدة عن الواقع جدا
وقال بنتريق على مهند ونور
لا حلوة
مشيها فيحاء واللمبي

كوووول

شكراً للعضوة Miss/ Wounds

على اضافتها الرقيقة التي ذيلت بها التعليق بتاعها وإن شاء الله هانكتب قصة تانية بعنوان ( فيحاء واللمبي ) وعربية الكشري أو عربية الكبدة ( قصة تحت الطبع ).

إن كانت القصة خيالية فهي من وجهت نظرك فقط أما لو بحثتي جيداً فسوف تجدين أن هناك أشخاص يسامحون بلا مقابل ويعطون بلا أنتظار . هم الأتقياء الأخفياء ، إذا حضروا لم يعرفوا وإذا غابوا لم يفتقدوا ، هم من يزهدون عما في أيدي الناس ويحتاج الناس إاليهم ، النظرفي وجوههم قربة وعبادة إلى الله تعالى، قلوبهم مشتاقة .

لا تنظري إالى الجانب أو الجزء الفارغ من الكوب ولكن أنظري الى الجانب الكضئ أو الجزء المملوء.

وشكراًَ لسعت صدرك

عمرى : 32 مساهماتى : 464

قصه رائعه جدا استاذ وليد
ومعبره ووفعلا ف ناس كدا
بس مفقودين اليومين دول
لان مافيش حد بقى يسامح بسهوله الايام دى
لكن برده مش هنقول مافيش
تسلم ايدك ع الموضوع القيم

عمرى : 29 مساهماتى : 10257

ايه يا جماعة انتوا مش واخدين بالكوا ولا ايه

يعنى معاكوا العبد لله التقى الخفى الذى اذا ..... مش عارف باه حد يكمل

اهبل

عمرى : 28 مساهماتى : 6144

يعنى معاكوا العبد لله التقى الخفى الذى اذا( كنتم معه تاب .. ولو ابتعدتم عنه تورع فما فعل شيئا عليه المتاب )

يعيني يا عيني

ايه الكلام الحلو ده يا ابو حميد

ولا اقولكم بلاش نطلع عن الموضوع ... لحسن انا سمعت ان في دوريات تمنع الخروج عن الموضوع

ويلا ويله اللي يخالف ... صح يا عبدو

عمرى : 29 مساهماتى : 10257

ايه الحلاوة دى مانت عارف اهه

فرحاااااااااااا^_^اا

عمرى : 28 مساهماتى : 6144

لا متخافش .. انا هتغاضى عنكوا كلكوا همسك بس بتوع الدععاية !!!

ال مهم

انا نسيت اعلق على الموضوه

موضوع روعة يا استاتذ بس انا اشكل انه حقيقي لان بيتهيالي الطيبة دي مش موجودة دلوقتي

صح بردو !

لا لا الطيبة موجودة بس الناس بتفهمها غلط خااااااااااالص

وفكرا انا الطيبة معناتها انه يكون انشان ملوش فيها كده وانه الناس بتصحك عليه والكلام الفارغ اللي بتقال اليومين دول

وفي فرق كبيييييييييييييييييييييييييييييييييييييييييييييييييييييييييييييييييييييير بين الطيبة و بين ان الواحد يكون سهل انه يضحك عليه

عمرى : 28 مساهماتى : 6144

انا برده !

عمرى : 28 مساهماتى : 3908

الطيبة دى موجودة و انا بعيشها بكل تجاعيدها على فكرة و كل تفاصيلها لانى انا و بدون مبالغه اللى بسامح و ماحدش بيسامحنى بس احيانا لا يرق قلبى و لا يهن لو يعنى طفح الكيل زى مابيقولوا

عمرى : 28 مساهماتى : 6144

انا سمعت واحد بيتكلم عن الطيبة في الراديوا امبارح هي دكتورة تنمية بس مش فاكر اسمها .. عصمت حاجة شبه كده

المهم

قالت ان الطيبة والتسامح شيء ايجابي جدا .. يعني ليه واحد دايقني ماسمحوش بدل ما اعمل مشكلة
لمن في نفس الوقت لو كان يا حق سبته ابقى سلبي زي ما البنهاوي قال

عمرى : 28 مساهماتى : 3908

فى فرق بين انك تسيب حقك و انك تسامح
انك تسيب حقك ده معناه انك مش قادر تاخد حقك و سيبته
اما التسامح فده انك قادر تاخد حقك بس سيبته بمزاجك و انا من رأيي مايكونش على طول شوية ترخى الحبل و شوية تشده عشان الناس مايتعودوش عليك

عمرى : 28 مساهماتى : 6144

انا عملتها في واحد انهاردة

شديت الحبل جامد اوي وغلطت ومبسوط بغلطي

عمرى : 28 مساهماتى : 3908

لا ماينفعش تبقى مبسوط بغلطك لان شد الحبل أوى مش من حقك و بسط الحبل اوى مش من حقك لان ربنا خلق الانسان مدنى بطبعه فمينفعش تمنع تعامل الناس معاك بانك تشد معاهم حبل المعاملة و تدقلهم عالواحدة و ماينفعش تبسط الحبل خالص لان الناس هتتعود عليك و هيهينوك و ده غلط فى حق نفسك
بس المفروض تتوسط

عمرى : 28 مساهماتى : 6144

سداني في نتاس بحب اتخانق معااها

انا مش اجتماعي بطبعي وحمار في الكلام على راي ماما

مبحش اصحاب الناس لاني بغللاط !

عمرى : 28 مساهماتى : 3908

حاسس بيك حاسس بيك بس الصراحة انا مامرتش بالموضوع ده بس برضه فى بعض المجاملات مثلا ماعرفش ارد اقول ايه بس مش لدرجة انى اغلط فى الناس و ماحبش حد يكلمنى ساعات برضه لما حد يجاملنى اقول انا مابحبش المد و ساعات لو حد بيشجعنى بطريقة انت فاشل مثلا اقول دى مش طريقة تشجيع بس ده قليل مش كتير أوى

عمرى : 29 مساهماتى : 1925

يا أحمد إنت منغلق جدا

انا اشوف انه الواحد لازم يكون عارف شخصية اللي قدامه ... عشان يكون عارف هو هيرد عليه ويقول ايه

لان الناس انواع ... في الكلاسيك .. في الروش ... في الشعبي ... في المنافق (قصدي اللي هو يقعد يمدح فيك ع الفاصي واول ما تمشي ... انتو عارفين) ....... الخ

فلازم الواحد يكون عارف شخصية اللي قدامه ويعرف ازاي يتعامل معاها ... في حالة انه معرفش

مايحاولش يكتر من الكلام معاه ... أو يطلب منه انه يغير طريقته دي في الحوار

ولا ايه؟؟

**...::| عضو خبير |::...** مساهماتى : 554

ahmed011 كتب:: لا متخافش .. انا هتغاضى عنكوا كلكوا همسك بس بتوع الدععاية !!!

ال مهم

انا نسيت اعلق على الموضوه

موضوع روعة يا استاتذ بس انا اشكل انه حقيقي لان بيتهيالي الطيبة دي مش موجودة دلوقتي

صح بردو !

اه يا جماعة بالمناسبة
انا عندي منتدى رووووووووووووووعة
وعايزكم تسجلوا فيه
اه نسيت اشكرك يا استاذ وليد
اصلي كنت مشغول بالدعاية
بيضحك

عمرى : 28 مساهماتى : 3908

لا انا من نحيتى يا بنهاوى من أول يوم باخد انطباع عن الشخص اللى قدامى و كل يوم أحاول أثبت الصفات الكويسة اللى عرفتها فيه و انفى عنه الصفات السيئة لحاد اما اتأكد من كل الصفات الحلوة و السيئة ساعتها تبقى اكتملت الصورة و اصبح القمر بدرا زى مابيقولوا ساعتها اقرر استمرار الصحوبية او الغاءها

مساهماتى : 358

المهم ماشاء الله كلنا خرجنا عن موضوع النقاش الاساسي كالعادة

عمرى : 28 مساهماتى : 3908

لا مش أوى يعنى أصل جوهر كلام الاستاذ عن شخصية وهمية خيالية أو لايوجد من نوعها الكثير فتبادلنا أظرافا لحديث عن الصداقة و ها نحن ذا كما ترين لازلنا فى نفس الموضوع

مساهماتى : 358

يعني انت متفق معايا ان الدكتور وليد بيتكلم عنشخصية خيالية
وإن ده مش رأيئ لوحدي