[b]سلسلة (أفكار للحوار) :الفكرة الثالثة : العلاقات العاطفية .. (2)- وجّه سهمك .. صح[/b]

تذكير بمساهمة فاتح الموضوع :

)- وجِّه سهمك ... صح

=====Cut===Cut===Cut===Cut===Cut=== Cut===
خارج النص
(سمير الحبيب أخيراً قابلته فى غرفة من غرف(الشات) ولكن باسم مستعار زى ما قلتلكم قبل كدا ..وكان اسمه (الحائر).. ومن حسن حظه كنا بنتكلم فى الغرفة عن الموضوع ده .. موضوع إيه؟ .. آه .. موضوع الحب وكدايعنى .. المهم أخدت إيمليه وقعدنا نتكلم مع بعض بعيد عن الزحمة... بصراحة كنت فرحان أوى... وهوا كمان.. وقال لى:أخيراً لقيت واحد (يفهمنى) عشان أتكلم معاه بصراحةوحرية !! ..)

=====Cut===Cut===Cut===Cut===Cut=== Cut===

هوا الحب حرااااااااام ؟

(الحائر): هوا الحب حرام يا عم (باعث الأمل) ؟
(Me): مين قال كدا ؟!! .. هوا فى حد ممكن يعيش من غير حب يا عم سمير؟!!! ..
(الحائر): لأ .. لأ .. أنا ما أقصدش كداخالص .
(Me): أمال تقصد إيه ؟..
(الحائر): أقصد حب البنات وكدا ..والحوارات اللى إنتا عارفها دى ..

الحب.. والسكينة.. والبطيخ

(Me): بص يا عمنا .. ما ينفعش نقول الحب حرام ... وبرضه ما ينفعش نقول إن الحب حلال ..
(الحائر): دى البطيخة دى ولا إيه؟!!!!!!!
(Me): يا عم بطيخة إيه بس ؟ .. أنا أقصد إن الحب زى السكينة تمام.. ممكن تستخدمها فى (شق البطيخة) اللى انتا بتتكلم عليها دى .. وممكن كمان تستخدمها فى(شق بنى آدم !!) ..
(الحائر): آه .. يعنى على حسب الاستعمال.. يعنى ممكن أستخدمه صح وممكن أستخدمه غلط ..
(Me): تمـــــــام.
(الحائر): يعنى الحب فى ذاته مش حرام ولاعيب؟؟ ..
(Me):إيه يا واد النصاحة دى؟!! .. عرفتها لوحدك دى ولا حد قالك عليها!! ..
(الحائر): ماشى اتريق .. اتريق .. براحتك.. !!!

(سهم الحب) لا يخطأ الطريق

(Me):إنتا عارف يا حج (سمير) إن الحب ده زى السهم ؟...
(الحائر): يعنى زى الصور بتاعت الحب اللىبتشوفها دى .. اللى راسمين فيها قلب وطالع منها سهم من الجنبين؟ ..
(Me): تمـــــــام.
(Me): ومن خصائص (سهم الحب) ده .. أنت بتتحكم فيه قبل ما ترميه .. ولكن بعد كداهوا اللى بيتحكم فيك .
(الحائر): انجليزى ده يا مرسى؟!!!!!!!! .
(Me): لأ.. مش انجليزى ولا حاجة .. يعنى (سهام الحب) يوجها المحِب إلى (من يريد أن يحب) ده فى الأول ..
(Me): ولكن بعد كدا (سهام الحب) أينما وجهتها هاتصيب هاتصيب بلاشك.. يعنى اللى يحصل بعد كدا مش بايدك ومش باختيارك.
(الحائر): وضح شويه ..
(Me): بص .. وده عن طريق توجيه (سهام الحب) اللى معاك .. ربنا أعطى كل واحد منا مجموعة من (سهام الحب) وقاله: أوعى يا عبد تتهوروتتبع الشهوات وتمشى فى طريق غير اللى وصفته لك .. وتتصرف غلط ..يعنى الأسهم دى فعاله ونتيجتها 100% .. يعنى ركز كويس قبل ما تصوب أى سهم .. عشان بعد كدا ما تجيش تشتكى وتقول مش قادر ومش عارف و ....
(Me): وكمان ربنا وضح لك الطرق السليمة والمضمونة اللى توجه فيها السهام دى.

شعور الحبّيبة . . .

(الحائر): ممكن أمثلة على الناس اللى وجهت السهام دى؟.
(Me): أنت مثلاً وجهت أحد (سهام الحب) عندك تجاه (صاحبتك !!) دى اللى بتقول عليها.. فأنت الآن تشعر بذلك بالشعور الجميل الذى يصنعه الحب مع الأحبة.. يعنى مش قادرتعيش من غيرها .. وبتفكر فيها ليل نهار .. ومضيع وقتك وشحن موبايلك وفلوسك وفلوس أهلك عليها .. صح ولا.. لأ؟
(الحائر): جيت ع الجرح يا صاحبى ..
(Me): بالظبط كدا ..لأن المفعول بتاع الحب اشتغل .. مش قلتلك إنه شغال شغال .. فى أى مكان شغال.
(الحائر): آه ..
(Me): ولقد وجه المتصوفه المغالين هذه السهام وجعلوها بينهم وبين خالقهم.. فامتلك الخالق حياتهم فصاروا لا يروا إلا بنور الله.. ولا يتكلموا إلا برضا الله.. فعاشوالله وبالله وزهدوا فى الدنيا وعافت نفوسهم الملذات.. حتى يظهر ذلك من الأسماء التى ينادوا بها مثل المريدين أو المحبين .. يعنى مفعول الحب شغال شغال .. فى أى مكان شغال.
(الحائر): آه .. معاك
(Me): وكمان وجه قيس المجنون كل سهامه بينه وبين ليلى المخزومية فكان لا يرى إلا ليلى .. وهام بها وحبها حباً يفوق الوصف .. حتى أنه كان يتمسح فى الجدار الذى مشت بجواره ليلى ..
(الحائر): يا خبر .. معقوله ؟!!!!
(Me): وكذلك وجه الصحابة (سهام الحب) بينهم وبين رسول الله ومن ذلك أنهم حموه صلى الله عليه وسلم بظهورهم فى غزوة (أحد) والنبال تنهال على ظهورهم.. حتى يحنى (طلحة) ظهره لرسول الله ليصعد عليها مكان مرتفع فى الجبل..واقرأ سيرة النبى صلى الله عليه وسلم لتعرف مدى مفعول الحب عند ذلك الجيل الفريد من صحابة رسول الله ... يعنى مفعول الحب شغال شغال .. فى أى مكان شغال.
(الحائر): اللـــــــــه !!!!!!!!
(Me): كذلك فإن هناك من يوجه هذه السهام بينه وبين كلب أو قطة أو حتى خنزير .. وذلك بكثرة فى الدول الغربية .. حتى الشخص لا يستطيع أن يعيش بدون الكلب بتاعه ولو مرض هذا الكلب قد يمرض صاحبه أيضاً... يعنى مفعول الحب شغال شغال.. فى أى مكان شغال.
(الحائر): تصدق فعلاً .. أنا بشوف ده فى الأفلام الأجنبى ..
(Me): هكذا يقوم الحب بعمله على أكمل وجه مع أى أحد.. فقط أنت وجه السهم وهو لن يخطىء الطريق ..
(Me): فحينما يهيم قيس على وجهه مجنونا بحب ليلاه... يهيم آخر باكيا ساجدا فى حب مولاه... ويهيم آخر ويجن لفقده كلب أو هرٍ كان يرعاه.
(الحائر): حلو السطرين اللى فاتوا دول ..
(Me): أى خدمة يا ريّس .. ابقى تعالى كل يوم
(الحائر): ..

طيب ليه السهم ده خطير ؟؟

(الحائر): وليه الحب سهم خطير كدا ؟..وبيصيب ع طول.. يعنى ليه مفعول الحب شغال شغال.. فى أى مكان شغال؟ .. زى ما بتقول كدا.
(Me): تعجبنى أسئلك دى يا أبو السمامير
(الحائر): مين أبو السماميرده ؟..
(Me):بدلعك يا عم .. مالك بس ؟
(الحائر): هههههه .. آه .. ماشى يا سيدى.
(Me):يا سيدى الحب هو شعور بالارتياح والأمان ناحية شىء ما أو شخص معين، والحب يفرغ مشاعر الإنسان الكامنة من حاجته إلى حنان وفضفضة وصدر واسع .. وهذا الشعوريحتاجه كل مخلوق على وجه الأرض.. عشان كدا السهم ما يصدق (يطلع بس) من مكانه ويتنفس .. وهو هايصيب على طول ..
(الحائر): تمام .. يعنى انتا عاوز تقول إن الحب غريزة فى البنى آدم ..
(Me):أيوه .. عشان كدا أنت بتشعر بالأمان مع (صاحبتك !!) دى .. لما بتخرج معاها..
(الحائر): ياااااااااه .. الواحد بيطيرمن الفرحة .. كأننا بنمثل فيلم (تايتانك)..

سهام الحب تصنع المعجزات

(الحائر): بس هل فعلا الحب يصنع المعجزات .. أقصد (سهام الحب) هل تصنع المعجزات ؟
(Me): طبعا الحب يصنع المعجزات .. ما الذى يجعل (على بن أبى طالب) وهو شاب صغيرينام فى فراش النبى صلى الله عليه وسلم فى رحلة الهجرة ويعرض نفسه للخطر ؟!!.. ماالذى يجعل عنترة يخاطر بحياته ليأتى بمهر محبوبته عبلة من آخر البلاد وهو يعلم أن هذا من المستحيلات ؟!!.. ما الذى يجعل كلبا صغيرا يقف فى منتصف طريق السيارات فى لندن ليطلب مساعدة لأمه المجروج على الطريق ؟!!.. أليس هذا هو الحب ؟!!
(الحائر): بالنسبة للى عمله الكلب .. دى فطرة .. وبالنسبة للى عمله عنترة .. آه .. ده ممكن نقول عليه حب .. أما بالنسبة للى عمله سيدنا (على) ده ما لوش علاقة بالحب ..لأن ده دين .. يعنى لازم يكون فى سمع وطاعة فى السراء والضراء .. ولا إيه ؟ ..وبعدين انتا جبت منين حكاية الكلب دى ؟!!
(Me): لم نختلف كثيراً .. ولكن اسمع كلام الامام ابن القيم وهو يجعل الإيمان كالمعادلة فيقول إن العبادة هى كمال الحب مع كمال الطاعة ..ولن تكون الطاعة إلابالحب .. وجربها حتى فى حياتك فأنت لا تطيع ولا تنفذ الأوامر بإخلاص إلا لمن تحب..
(Me): وحكاية الكلب يا سيدى سمعتها فى نشرة أخبار على على قناة العربية.
(الحائر): تمــــــــــام.

من ليس له حبيب .. فليجد له حبيباً

(Me): ولأن ذلك تفريعا لتلك العاطفة الكامنة التى هى بحاجة إلى الحرية والطيران..وهذا هو الطبيعى.. فمن لم يجد له حبيب يبحث عن حبيب .. فمن لم يجد له حبيباً من البشر قد يلجأ إلى الحيوانات كما قلت من قبل.
(الحائر): وبكدا الإنسان ما يقدرش يعيش من غير ما يحب ويتحب.
(Me): ده صحيح .. لأن الكون كله مبنى على الحب إن لم يكن فطرى زى ما قلت من شويه.. فهو مكتسب من خلال السهام اللى ربنا أعطاها لك .. علشان تحب .

السهم فى غير مكانه .. حرااااااام

(الحائر): بتلف وتدو .. وتقول سهم ومش سهم .. هوا احنا بنصيد أرانب ؟!!!! يعنى أنا صح ولا غلط .. من الآخر كدا ؟
(Me): طبعا .. طبعا ..طبعا
(الحائر): قووووووووووووول
(Me): طبعا غلط .. عشان وجهت سهمك غلط .. وفى غير محله..
(الحائر): طيب والشعور ده ؟!!!!
(Me): الشعور ما لوش علاقة بالحرمة أو غيره .. لأن الحب آله .. شغاله شغالة .. فى كل مكان شغالة .. إنت بتنسى ولا إيه؟
(الحائر): معلش... عاوز أدخل الحمام بس .. خمسة.. وراجعلك ما تروحش فى حتة .
(Me): شفيتم .. مقدماً.

=====Cut===Cut===Cut===Cut===Cut=== Cut===
خارج النص
(بينى وبينكم يا رجاله .. الواحد لازم يكون لطيف و رفيق شويه مع الناس الحبيبة دول .. عشان هما فعلا بيكونوا عاوزين كدا .. يعنى محدش يزعل منى .. علشان بكلمه وبفهمه بالراحة .. عارف إن فى ناس مخنوقة منى وبيتقول: يا عم قوله حرااااااااااام واخلص هيا دى عاوزه فلسفة .... بقوله: آه .. هيا عاوزه فلسفة.. زى بعضه لازم نكون لطاف شويه مع بعض وخصوصاً مع الناس الرومانسيين دول.. لأننا ممكن نكون زيهم فى يوم من الأيام ..ربنا يثبنا على دينه لحد ما نموت .. وياللا بقى نتقابل بعد الشات.. علشان صاحبنا بيرن عليا)
=====Cut===Cut===Cut===Cut===Cut=== Cut===

مشكلتك .. فى سهمك

(الحائر): Buzz!!
(الحائر): فينك يا مان ؟
(Me): أيوه يا برنس
(الحائر): انتا قلتلى إن أنا كدا مش صح .. طيب وإيه الحل بقى؟ .. وانتا عارف اللى فيها وإن المفعول بتاع الحب شغاااااااال الله ينور معايا ..
(Me): يا عم سمير .. يا عم سمير .. إنتا ما تعرفش إنك لما تسمع بس كلمة (مشكلة) .. يبقى ع طول وانتا مغمض(الإسلام هو الحل) ؟!!!
(الحائر): ........ شرع الله عز وجل ؟
(Me): ههههههه . .. إيييه... إنتا ماشى فى انتخابات ولا إيه ؟..
(الحائر): لأ .. دا أنا سمعتهم بيقولوا كدابس ..وبعدين .. هيا دى مالها ومال الانتخابات؟
(Me): شكلك حافظ مش فاهم يا صاحبى .. المهم ... خلينا فى موضوعنا دلوقتى.. ونتكلم فى الحوار ده بعدين..
(الحائر): أوكى يا مان
(Me): أول الحل إنك تعرف المشكلة فين الظبط .. لأن تحديد المشكلة هو نص الحل تمام
(الحائر): تمام .. وأنا عرفت إن مشكلتى إنى وجهت سهمى غلط فى غير مكانه
(Me): برافوا عليك ..
(الحائر): وبعدين ؟
(Me): وبعدين الوقت اتأخركدا .. وانا عندى شغل الصبح .!!!
(الحائر): أه .. أنا عارف إنى كلت دماغك
(Me): لا والله بس هنكمل بعدين عشان الوقت اتأخر .. والكلام كتر ..والمقال بقى طويل أوى فى سلسلة أفكار للحوار.
(الحائر): إيه يا عم الكلام اللى انتا بتقوله ده ؟.. مقال إيه ؟ .. وأفكار للحوارإيه؟ .. إنتا فعلا باين عليك فصلت
(Me): طيب .. بعدين ..بعدين .. أنا أقصد ما قل وكفى خير مما كثُر وألهى
(الحائر): خلاص منتظرك المرة الجايه إن شاء الله .. وياريت تكون مصحصح شويه .. وتقول كلام مفهوم .. مش تقولى سلسلة .. وعقد.. وأفكار للحوار .. وحاجات من دى ...

الخلاصة فى الدراسة

(Me): هههههههههه ماشى خلاص .. طيب قول لى زتونة الموضوع كدا ؟
(الحائر): استفدت المرة دة إن الحب شغال شغال فى أى مكان شغال .. وإن الواحد مسئول.. ومسئول وحده.. عن توجيه سهام الحب بتاعته .. وكمان استفدت من الأمثلة اللى انتا قلتها دى .. وأنا كدا حليت نص المشكلة وهى إنى عرفت إن المشلكة فى السهم بتاعى اللى وجهته غلط ...
(Me): شغال يا أبو السامير..
(Me): سؤال أخير .. قبل ماأروح أنام ؟
(الحائر): قول يا سيدى
(Me): ممكن تلخصلى صفات(سهم الحب)
(الحائر): ياااااااه .. دى سهله خالص ..
(أنت بتتحكم فيه قبل ما تصوبه – هو بيتحكم فيك بعد التصويب – يصنع المعجزات – شغال شغال.. فى كل مكان شغال – ضرورى لكل البشر وحتى غير البشر) .. اممممممممم .. دا اللى أنا فاكرة
(Me): دا كدا تمام خالص ونكمل بعدين إن كان لينا عمر فى الدنيا دى ..
(الحائر): على فكرة أنا منتظرك المرة الجاية
(Me): ع البركة .. قول بس إن شاء الله
(الحائر): إن شاء الله .. ياللا بقى سلام
(Me): وعليكم السلام ورحمةالله وبركاته

=====Cut===Cut===Cut===Cut===Cut=== Cut==
خارج النص
(أهلاً بيكم من جديد ..اتقابلنا مرة تانية .. وكنت عاوز أقولكم على حاجة ..وهى إن فى العصر الأموى كثر الكلام فى الغزل العفيف واشتهر شعراء وقصاصين هذا الفن ومن أشهر قصص الحب والعزل فى ذلك العصر والذين وجهوا سهامهم نحو محبوباتهم (قيس المجنون – ليلى) .. (جميل – بثينة) .. (عروة بن حزام – العفراء) .. (توبة – ليلى).. وكان من أشهر الناس حباً وعشقا وهياماً هم بنوا (عذرة) وبنوا (عامر) فكما قيل عنهم كانوا إذا عشقواماتوا كمدا من الهوى ... أرئيتم مدى تأثير هذا السهم الخطير ... وهذا اللون من الشعر والفن قد أدى إلى ظهور الصوفيه المغالية فى بداية العصر العباسى ووجوهوا نفسسهم الأحبة والعشاق نفس السهم وجهوه بينهم وبين الله حتى صار بهم نفس الحال ..وحدث معهم نفس المفعول ... ولكن فى اتجاه مختلف بالطبع ...
=====Cut===Cut===Cut===Cut===Cut=== Cut==

المرة الجاية إن شاء الله تعالى

هانتكلم إن كان لينا عمر فى الدنيا دى عن الحب الحقيقى .. والحالة اللى فيها سمير دى هل ممكن يتقال عليها حب ؟ .. وليه ؟.. وكمان هانعرف مع بعض الحلول العملية عشان الحب فعلاً يكون (الحب الحقيقى) ..
يعنى المرة الجاية .. هانتكلم كلام كبير .. كبير أوى .. وهاندخل فى الجد شوية ..
ونتقابل المرة الجاية إن شاء الله .........

اتحدى ان مكانش عبد الملك بيشيط دلوقتى عشان جاله واحد يرد عليه

هههههههههههههههه

:( :cry: :cry: :cry: :cry: العصير منه كتير عشان تروق :!: :clown: :sunny: :sunny: :farao: :farao: :king: :lol!: ده انت :afro: :8عع: ده كمان انت :لالالا: :لالالا: و انا قاعد اشرب بيبسي :hrfb: ده انت :svw: ده انت :jj,n: :l;u: