شايف انهى الاحسن ... خبرة ولا ابيض

ازيكوا يا حبايبى

بقالى كتير محطتش موضوع نقاشى

وحشتونى جدا

نروح باه بسرعة لموضوعنا النهارده





لو بتختار صاحبك او بتقيم انسان او بترتبط معاه باى علاقة سواء صداقة جواز اى حاجة

تحب انه يكون شخص عايش الحياة بكل حاجة فيها

ولا انسان ملهوش فى اى حاجة

انا مقلتش انه ميكنش مش محترم او مش كويس

لا اقصد انه الغالب العام بتاعه كويس وهو انسان محترم بس عمل حاجات مش كويسة فى فترة من فترات حياته

بنقول عليه احنا " خــــــــــبـــرة "

اكيد بنسمعها كتير

يا ترى انت شايف انهى الاحسن

عايز اشوف احلى ردود

مهند قال نفس كلامي


هو انا اشوف انه بشكل عام ... الواحد ممكن يغلط مرة ... غلطة عادية محدش يروح لبعيد

ولكن الغلط .. كل الغلط انه يستمر عليها


سواء بقى كان الغلط ده من شاب او بنت

وكمان احب اقول حاجة ... اني انا لو هصاحب ولد عمل غلطة قبل كده ... اوك مفيش مشاكل هصاحبه ... بس في نفس الوقت هبقى محذر منه .. ودا شيء طبيعي على ما اعتقد

اما كلمة خبرة دي ... فهي اساسا مجرد كلمة ملهاش معنى ... ومن كلمات الشباب


عاديه يعني ... مش زي ما انت معتقد يا عبدو

حاسس ان محدش فاهمنى

بصراحة انا مش فاهمك ميه في الميه

يا ريت توضح اكتر

انا اقصد انت تفضل واحد مجرب كل حاجة فى الدنيا او على الاقل الى فى سنه بيعملوها ولا شايف ان الواحد مفروض يكون بعيد عن كل الكلام ده

انا رأيي الخبرة احسن عشان هيفيدك بالكويس و الوحش ( مثلا يعني ) اما اللي في البلالا ده ولا هيفيدك في الكويس و لا الوحش



انا بقول الكويس و الوحش عشان نوسع الدايرة بتاعت الكلام
بيس

و طبعا انا قصدي هضرك بالوحش

انا مع محمد


الخبرة احسن من الابيض ... لانك هتعرف ازاي تتعامل مع اللي قدامك .. وتكون عندك الخبرة انك ترد على كل اللي بيقولهولك

وكمان .. تقدر يبقى ليك شخصية قدامه


يعني على سبيل المثال / لو انت ملكش في حاجة خالص .. ابيض بمعنى الكلمة ... ميييييييييح ع الآخر

وكلمت واحد روش حبتين .. و عامل فيها انه ماجلان اللي اكتشف القهوة في قعر الفنجان ... هتكلمه باسلوبك المؤدب و المحترم ... وقابل بقى تريقة للصبح


لكن لو انت عندك فكرة ازاي تتعامل مع النوع ده من الناس .. ممكن انت اللي تتريق عليه و تخليه ولا حاجة خالص

وكمان .. هتعرف الصح من الغلط .. وامتى تتعامل بالاسلوب المحترم و امتى تتعامل بالاسلوب التاني

موافقك يا حبيبى

يا عيني

الكلام بتعكم كلو حلو صراحة وده بيأكد ان افكرنا متقربه


اما بالنسبه انا انا افضل الي لف ودار واتعلم من كل حاجة يعني الخبرة زي ما انتو بتقولو ليه علشان الي قالو احمد والي قالو عبدو والي قالو محمد بس فيه مشكلة لو انت ابيض خالص هضيع والله العظيم هضيع يني لازم انت تكون مجرب حجات عارف حجات وهو يجي يكملك بس بتجربة واخطائة علشان مش اي حاجة يحكيلك عليها تقوم تجري وتعملها يعني على سبيل المثال في واحد اعرفو وانتم تعرفو والقصه موجوده على المنتدى وحد قلو انت عايل سيس فرح وقد فرحان بيها لو كان سئلنا اوا سئل واحد خبرة وفاهم في كلام (روشنة العصر) كان مكنش هيفرح كده المهم يعني لازم تكون موازن لان الخبرة ده اكيد عارف حاجت كتير غلط فهيقلك بعضها ووهيسكت عن بعضها فمن الاخر لوانت ابيض خالـــــــــــــص احسنلك روح صحبلك واحد ابيض نص نص لحد= ماتتأهل وتبقى خبرة الا ربع وبعدين صاحب خبره علشان يكلمك الربع ده

انا مش عارف اهم الردود كلها لكن فعلا الخبرة مهمة جدا حتى لو كانت وحشة لكن زي ما قال البنهاوي وزي ما انت يا بودي (( حلوة بودي دي )) قلت قبل كده انا مش هتجوز واحدة كنت مبشي معاها .. والخبرة مش معناها كده بس يعني متجبليش واحد مدمن وتقولي ده خبرة .. هنا بقى يقع الكلام .. ممكن حد بيعرف يعبر يشرحلنا ايه هي الخبرة !

انك تكون عارف ايه الى فى الدنيا وايه الى الناس بتعمله بس متجربوش علشان متاعش فيه

مينفعش الغلطه مكسب