حــلـوة دي

تذكير بمساهمة فاتح الموضوع :

أحيانًا تحصل خلافات أو شجارات بين الطلاب و ده شيء عادي لكن

أحيانًا واحد يغلط في واحد أو يضربه

فيرفع الطالب إيده للمدرس و يطلب منه توقيع العقاب على الطالب

فيكون رد المدرس : " إيه حركات الأطفال دي ، ده أولى إبتدائي ما بيعملوش كده "

فيوضع الطالب بين نارين

إما أن يسكت على الإهانة فتجرح كرامته

أو يرد الإهانة فيعاقب لإنه دي مش أخلاق

حلوة دي ، طب يعمل إيه يعني

يا محمد بيه ده نظام السجن وليس حل للمشكلة

أولاً لم تم تجميع الطلبة اللي مش شاطرين زي ما هو انت بتقول في فصل واحد المدرسين مش هايرضوا ياخدوا الفصل ده لانه هايعفرتهم وبعدين الطلبه هايتحدوا على المدرسين

ثانياً : المشكلة عندنا - نحن المصريون - اننا بنقيم الطالب على أساس التحصيل العلمي . بمعنب ان احنا بنقول الطالب ده فشل أو مميز من خلال درجاته . في الوقت نفسه بنلاقي الطالب ده عنده نشاط وايجابيه في حاجات تانية ومافيش حد بيستغلها. فهو بيلجأ احياناً الى العنف لكي يلفت الانتباه اليه.

ثالثاً : لو انت مش شاطر وحطوك في فصل لوحدك وفسحة لواحدك وحمام لوحدك ، هايكون شعورك وحالتك النفسية عاملة ازاي؟

رابعاً : هاتكون نظرة زملاءك لك ازاي ؟

خامساً : هاتلاقي حد يصاحبك أو ياخد رأيك في اي شئ ؟

معلش يا رجاله اصل انا زمااااااااااااااااااااااان وانا طالب كنت بعاني من نفس المشكلة

بس يا رب حد يقدر الكلام قبل ما يتكلم . يعني انا مش بتكلم بلسان مدرس . أن بتكلم بلسان طالب قاسى مما تقاسون منه.

وليد الجوهري

أولا : أنا قلت يتعين عليهم استاذ شديد يعرف يسيطر عليهم
ثانيا : كل اللى مش شاطرين فى فصول لوحدهم مش كل واحد فى فصل لا كلهم فى فصل واحد
ثالثا : أنا لو مش شاطر هحاول أصلح نفسى و المدرسين أكيد هيساعدونى
رابعا : لو صلحت نفسى أو حتى حاولت أصلح نفسى كل زملائى هيبصولى بنظرة رضا عشان الشاطر دائما بيبص للواحد من الناحية العلمية و الأدبية
خامسا : طبعا لما يشوف إنى بقيت كويس و طلعت من فصول الفاشلين و دخلت فصول الشاطرين كلهم هيخوا رأيى على الأقل هيعرفوا إنى مكنتش فاشل و كنت شاطر
سادسا : لو الناس الفاشلة باقوا لوحدهم و اتعين عليهم اساتذة شداد اللى هيعمل دوشة هيترقع علقة كلهم هيحترموا نفسهم و طبعا يبقى فى نشاطات للفاشلين دول تنمى ذكاءهم و قدراتهم و يفشوا غلهم فيه و طبعا الاساتذة الشداد يبقوا من الصابرين عشان يصبروا عليهم لحاد ما يتصلحوا و بعدين يتنقلوا فصول الشاطرين و يبقوا شاطرين و خلاص