جمهورية حلمنكوشي (( مقتبس باحتراف ))

للاسف رد جارح
مش هكمل !

هههههههههههههههههه
حلوة رد جارح دى
بس انا حاسس ان حلمكوشى ده عمال يهون فى المواضيع طبعا ماهو بيتمشى مع رئيس الجمهورية
و موضوع شهداء الطوابير بقيت حاجة معتادة خلينا دلوقتى فى شهداء انفلونزا الخنازير اللى مش لاقين علاج ومرميين عالبلاط

ايه الغيبة الطويلة دي

معليش انت عارف الامتحانات و المشاغل و المصانع اللى بنديرها والشركات اللى بتتحايل علينا ان احنا نمضي اتفاقيات معاهم و الهدايا اللى داخله طالعه عالبيت و انت فاهم بأه

معلشيا جماعة
انش اء الله اكمل بعد الامتحان وهحط حلقات كتير عشن اعوض

ادعوي عليا بكرة امتحان انجليزي ونازل حصة المراجع كمان تلت ساعة

ربنا يوفقك يا ابو حميد

وعايزين نسمع اخبار كوسية



واي سؤال اخوك موجود .... وربنا معاك

يا سلام هى دى روح الاخوة
لما الواحد يحتاج سؤال فى المنهج ولا حاجة يتصل بصاحبه على طول يلاقى رسالة صوتية بتقول انا مش موجود يرجى الاتصال بعد الامتحانات

ههههههههههه

جبت المفيد يا باشا

سؤال ايياابني

انا من بد ستة بالليلعاملتليفون وخط ساخن للاسئلة


شوفتوا البلوة
اخوكم ضيع وانتوا قاعدين تهزروا


في امتحان العربي جالي مقابل كلمة رحت عاملها معنى يا وكستي السودة

السؤال اختياري بس افرد كانت جت في السؤال الاجبارى
كان زماني متذنب دلوقتي

الحمد لله انه اختيارى بس هو انتوا بدأتوا
هو انتوا مش بداية الامتحانات بكرة يوم السبت يعنى
انتوا هتخلصوا امتى بالمناسبة

ودلوقتي نكمل
في الردود الجاية وبعدها نجهكز فوريو نيوز والفتتاح بكرة وهيييييييييييييييييييييييه

مشينا فى الطريق ولسه صورة سيارة الإغاثة اللى شالت جثتى شهيدا الفرن قدام عنينا

ولم يتكلم
فخامته بكلمة واحده من ساعة ما سيبنا الفرن وبعدنا وكان مسهم ومش عارف كان
بيفكر فى إيه وطبعاً كنت باتكلم وألت وأعجن لكن ولا كان سامعنى ,, واضح ان
الصورة اللى شافها أثرت فيه كتير وربما كان بيفكر إنه يغير الحلمنكوشية
العليا كلها فسبته يفكر براحته وسكت وقطعت خنس لحد ما وصلنا لأحد الميادين
العامه وشاف فخامته زحام تانى كبير فقال

- أيه ده يا أبو حلموس . . ؟ ده فرن تانى ولا إيه ؟

- ها ها ها ,, لا يا فخامتك ده مش فرن .. دى سينما .

- سينما ؟ ,, امال إيه البشر اللى واقفه قدامها دول كلهم ؟ يكونشى فيه ممثل دابح عجل وبيوزع لحمه ؟

-
لا يا فخامتك ,, أصل الفيلم الجديد بتاع الممثل المشهور ( زيكا صحفي مزيكا )
نزل السينما النهارده بعد ما قعدوا شهرين يعلنوا عنه . علشان كده الناس
هاتموت بعضها علشان تاخد تذكره وتشوف الفيلم

- أما
إنتم شعب رمم صحيح ,, يعنى من دقايق الناس بتموت بعضها علشان تجيب رغفين
عيش ؟ . . وهنا هاتموت بعضها علشان تتفرج على فيلم ؟ ده غير اللى بشوفه
لما بحضر ماتش كوره لمنتخب حلامنكوشيا والبشر اللى بتقطع بعضها علشان تذكره
وفالحين فى الآخر يشنعوا على الحكومه ويقولوا إنها مقرطه عليهم .. ومنشفه
ريقهم وجايبلهم الضغط

-
ما انا قلت لفخامتك ده شعب نمرود . مالهم هما لما حنكوشية التثقيف تتقلب
وتبقى حنكوشية الرقص والراقاصات وتصرف الملاين بتاعة الثقافه على
المهرجانات والإحتفاليات اللى بتلم علينا خلق الله من كل مكان , مالهم هما
لما حنكوشية المسموع والمرئى لما تلمع العالم دى وتخلى منهم نجوم مجتمع
وسفرا لبلدنا , تلاقى الواحده من دول جايه من بلدهم الشق فى رجلها يستخبى
فيه حنش وبعد ما تهز هزتين ولا ترقع لها صوتين فى شريط فجأه تبقى بفضل
تلميع الحنكوشيه سفيره لنهابونيا فوق العاده

- بس بردو يا حلموس الفنانين دول فعلاً سفرا للبلد ورافعين راسها فى كل الدول فى الجزيره الام بتاعتنا

- طبعاً
يا فخامتك . . عندك حق , وهما فعلاً يستحقوا الملايين اللى بيهبشوها من
جيوبنا , والتثقيف اللى بيثقفوه لولادنا .. هو كان فيه بنت فى البلد بتعرف
ترقص إلا لما شافوا الأفلام والكليبات .. ما شاء الله البلد كلها بقت
الستات ترقص والرجاله تطبل على قفاها . . وشبابنا اللى كان زى الطُربش ما
يعرفش غير البيت والمدرسه والجامع وكانوا دافنين نفسهم بالحيا ..النهارده
الشاب من دول يبقى لسه ما طلعش من البيضه ويغازل اجدعها بت بكلام يدوب
الحجر , تفتكر فخامتك هو عرف كل الكلام ده منين ؟ مش من الأغانى والأفلام
والتمثيليات ؟ شوف بقى لو ما كانتش الحاجات دى موجوده كان هايفضلوا على
عماهم . . وكان اللوح منهم يشوف البت وهى متكلفته فى الحجاب – والعياذ
بالله – يقولها السلام عليكم يا أختاه , , بدل ما يقولها إيه ( الأساتك ده
. اللى ماشى يتك ده ) ويفقعها رمش عين تطب فى دباديبه يقوم مطلع ورقة
كراسه ويكتب عقد عرفى وبينا على شقة واحد صاحبى . . مش كل ده بفضل السينما
والتليفزيون ؟

- ومش بس كده يا حلموس . . يكفينا فخراً إننا عندنا قمم الغنا والتمثيل والرقص اللى بيجيبوا جوايز من كل حته

- لا ياريس
والسياحه كمان اللى روجوها .. مش كل العالم اللى فى دول الجزيره بتاعتنا
بييجوا هنا علشان يتفرجوا على حريمنا وهى بترقص ويغرقوهم بالدولارات
والسفاريت .. يعنى عمله صعبه يا ريس ماعمالهاش حلمنكوش التجاره البرانية وما
يعرفش يجيب العمله الصعبه دى ,, هيجيبها منين يعنى وإحنا لا عندنا حاجه
نصدرها ولا حاجه نصنعها ونبيعها لغيرنا .. لكن ماشاء الله رقصاتنا بيروحوا
ويلفوا الدنيا كلها ويلموا النقوط بكل العملات السهله والصعبه والمعصلجه
كمان .. بس فيه حاجه بقى مضيقانى ,, صحيح الناس دول بيجوا ويغرقونا
بفلوسهم لكن فى الآخر بيعايرونا ويقولوا علينا بلد رقاصات ,, شفت قلة أصل
أكثر من كده .. يجوا يتفرجوا علينا وبعدين يعايرونا ,, وآل إيه كل ساعه
والتانيه تلاقيهم عندنا بيتكلموا عن الحب اللى بنتمع بيه منهم وعن الأخوه
والوحده القوميه ومش عارف إيه وأبصر إيه وما أدرك إيه .. آل حب آل ,, ؟؟
هى العالم دول مش فاهمين إنهم بيحبوا رقاصتنا والراقصين بتوعهم بيحبونا
علشان بييجوا هنا ويتشهروا والناس تعرفهم بعد ما كانوا نكره فى بلدهم

- سيبك منهم يا
حلموس دول ناس حاقده , , هما لو عندهم فنانين زينا ما كانوش حقدوا علينا
كده , كفايه إن عندنا قمم الغناء والتمثيل والرقص اللى عملوا تاريخ البلد
دى , , يا أخى كفايه إن عندنا ( أم طرطوم ) سيدة الغناء الحلمنكوشي

- أيوه يا
فخامتك , الناس دول رفعوا راسنا فى كل حته فى العالم . . وآل دول العالم
الكبيره بتتفشخر علينا بالصواريخ والنووى واللى مش ننوى ونسيوا إن عندنا
صواريخ الغناء والرقاصات الذريات وإذا كان هما عندهم عُلما فإحنا عندنا
عَوالِم يهزوا أجدعها شنب على واحده ونص . . فيها إيه لما العالم المبرشطه
علينا فى كل حته يضربونا ليل ونهار بالقنابل والطيارات اشى الشبح وإشى
العفريت . . طيب ما إحنا ما سيبناهومش فى حالهم وهريناهم غنا ورقص وكله
بيدعى عليهم , اللى بتدعى بكليب فى الصحرا مع حصان واللى بتدعى على الروف
وتحط النقط على الحروف لا كله كوم واللى قالت لأتخن شنب فيهم ( الصراحه
راحه يا روحى إنت ما بتعرفش ) دى كوم لوحدها . . ولا المغنى المعجزه (
حمروش العفش )

- مين زيكا صحفي مزيكا ده .. ؟ طيب عفش ومغنى يركبوا على بعض إزاى ؟

- يا ريس زيكا العفش . . فيه حد ما يعرفوش . ده الجدع اللى كان مكوجى وبعدين طقت فى
دماغه يبقى مغنى . اللى بيطلع على المسرح يلعلط وشبه القُلة بتاعة السبوع
ده . . طيب شوف بقى العفش ده رغم إنه عفش راح رازع ( كسطائيم ) اللى ناهبه
أراضينا لكن ده ولا همه منهم وقالهم ( أنا بكره كسطائيم وأقولها لو أتسأل
.. إن شالله أموت قتيل او أخش المعتقل , , وهييييييييييييه ) شوفت فخامتك
جهاد أكبر من كده ولا جراءه وشجاعه أكتر من كده , , طيب والله أنا لو مكان
قسطائيم دى لأرمى نفسى فى البحر بعد الكلام ده

- يا حلموس
الناس دى ما تعرفش رسالة الفن وقيمتها فى بناء الحضارات والتقدم على كل
المستويات والبلد اللى ما فيهوش فن لسه عايش فى عصر الكهوف

- أيوه فخامتك
صح . . دول ناس مش فاهمه حاجه , فالحين بس يتفشخروا علينا ويقولوا علينا
غنم وبهايم ., طيب إيه رأيك فخامتك إن العالم دول هما اللى بهايم وما
بيفهموش وإحنا اللى غزلنا برجل حمار وعملنا من الفسيخ شربات , , شوف
فخامتك العالم دى صرفت مليارات وأبحاث وتجارب على مدار سنين وسنين علشان
آل إيه يطلعوا القمر شفت هبل أكتر من كده . . طيب شوف إحنا بقى ., وإحنا
قاعدين فى بيوتنا القمر جه لحد عندنا من غير ما نصرف ولا شلحوح واحد .,

- مش شايف إنها واسعه شوية دى يا حلموس ؟ , , قمر إيه اللى جه لحد عندنا ؟؟

- أيوه يا ريس
جه لحد عندنا . . هو فخامتك ما سمعتش المغنيه اللى قالت ( ياما القمر على
الباب نور قناديله , , ياما أرد الباب ولا اناديله ) شوفت بقى فخامتك أهو
القمر جه على الباب وبيخبط عليها كمان . . لا وإيه وبتتنك عليه وعايزه
تكرشه وتسك الباب فى وشه . . شفت بقى فخامتك إحنا انصح منهم قد إيه ..[/center]

{ 7 }
إنت جايبنى فين يا معفن

وصلت بنا أقدامنا الى منطقة من المناطق اللى بيقولوا عليها عشوائيات وما ان داست رجلينا أول الشارع وقابلتنا ريحة المجارى المعطنه وأكوام الزباله المعتقه وجميع انواع الحشرات ما ظهر منها وما بطن ما عرفناه وما لم نعرفه , منها ما هو يمشى على بطنه ومنها ما يمشى على أرجل ومنها ما هو طائر وده طبعاً غير الحفر اللى مليانه بمية المجارى واللى لو وقع فيها فيل ما يظهرش تانى
و إتفزع فخامته من هول المناظر اللى شافها وأخرج منديل من جيبه وحطه على مناخيره وهو بيصرخ ويقول
- إيه ده . .؟ إيه القرف ده .. ؟ إنت جايبنى فين يا جربوع يا معفن ..؟
- لا مؤاخذه يا فخامتك , أنا ما جبتكش هنا . . ده إحنا رجلينا اللى وصلتنا لحد هنا ,
- إحنا فين طيب . . إنت جايبنى الخرابه دى ليه ؟
- لا مؤاخذه يا فخامتك دى مش خرابه .. دى منطقة ( الدوعيكه ) حته فى قلب نهابونيا لسه ما خرجناش من حدود بلدنا
- معقوله . , ؟ معقوله يكون فيه منطقه فى بلدى زى دى ؟ إستحاله يكون فيه ناس عايشين هنا ؟
- لا يا فخامتك . . فيه ناس كتير قوى عايشين هنا , ويتمنوا إنهم يكملوا بقية حياتهم هنا , لأن ما لهمش متوى غير هنا
وفجأة هجم علينا مجموعة عيال من سن 4 سنين وإنت طالع وهدومهم مقطعه ووشوشهم معفره ومطينه والجلخ على جسمهم بالكيلو وطبعاً اول ما شافوا نظافة فخامته وهدومه اللى بتبرق . وشافوا عفانه حضرتى وزاكتتى السينيه اللى أصغر رقعه فيها شبرين فكرونى أنى من منطقتهم وإنى صايد صيده علشان أقلبها وأهبش السفاريت اللى فى جيبه طبعاً إتلموا حولينا وعايزين يقلبونا إحنا ويطلعوا منا بأى مصلحه , قمت لقيت فرع شجره صغير طحت وراهم بيه وأخيراً قدرت أفرقهم وفى نفس الوقت خدنا ديلنا فى سنانا وطلعنا نجرى قبل ما يروحوا يلموا علينا أهاليهم , , وأخيراً خرجنا من المنطقه دى وشمينا نفسنا وشال فخامته المنديل من على مناخيره وزعق فيا
- إنت أكيد كنت عايز تموتنى . , إنت عميل ومتآمر . . وجايبنى هنا فى منطقة السفاحين دول علشان يغتالونى . . ؟
- يا فخامتك أغتالك إيه بس . ؟ هو انا أستجرى ؟ وبعدين أنا لو متآمر ولا عايز أغتالك فخامتك والعياذ بالله أنا كنت سيبتك وسط العيال دول وجريت وساعتها تأكد أنه بكره كنا هاندور على رئيس تانى . . بعد الشر عليك طبعاً
- أمال يا جربوع يا معفن جايبنى هنا ليه ؟
- يا فخامتك هى مش دى بردوا حته من بلدك ؟ وفخامتك قلت لى انا عايز أشوف اللى ما شفتوش ؟ فأنا وريتك اللى عمرك ما شفته ولا هاتشوفه حتى فى كوابيس فخامتك
هدى شوية فخامته بع ما شاف رنة الصدق فى كلامى وبعد طبعاً ما بنطلونى إتبل للمره التانيه النهارده وقالى فخامته
- إنت قلت لى المنطقه دى إسمها إيه ؟
- إسمها ( الدوعيكه ) يا فخامتك
- الدوعيكه , , ؟ متهيألى سمعت الإسم ده قبل كده ؟
- أيوه يا فخامتك أكيد سمعته بس ما شفتهوش . . ما هى دى المنطقه اللى السنه اللى فاتت وقعت عليها صخره من الجبل وبططت الناس فى بيوتها وراحوا فى شربة ميه يا ولداه . ومن ساعتها بقى إسمها الدوعيكه على أساس أن الناس إندعكت فيها
- أيوه أيوه إفتكرت . . مساكين . حد قالهم يسكنوا تحت الجبل ؟ بس مش الحكومه صرفت لهم تعويضات وجابت لهم مساكن تانيه يسكنوا فيها ؟
- أيوه طبعاً يا فخامتك وبفضل توجيهات عظمتك الحكومه كلها إتحركت وجت هنا من اول سكرتير اول الحى لحد مأمور قسم الدوعيكه . و السيد الأستاذ الدكتور الوزير عمدة المقاطعه أمر بصرف تعويضات فوريه للمدعوكين والمدعوكات . 500 سفروت للمصاب و 1000 سفروت للى إتكل على الله وبلغ فرار من الدنيا دى . وطبعاً كل ده بفضل توجيهات فخاماتك أما بقى عن المساكن الظاهر إن الناس المعفنه دى غاويه عفانه وفقر وما رضيوش يسيبوا الشقوق اللى عايشين فيها دى ويروحوا على المساكن الجميله اللى الحكومه عملتهالهم وطبعاً الحكومه كتر خيرها عملت اللى عليها بفضل توجيهات فخامتك لكن هما اللى ولاد هرمه وواخدين على العفانه فالحكومه إضطرت طبعاً إنها توزع الشقق دى على المحاسيب والقرايب والحبايب علشان ما تفضلش فاضية والعفاريت تسكن فيها
- بس إيه اشكال العيال دى . ؟ دول زى ما يكونوا ساكنين فى حفر فى قلب الأرض . ؟ شفت الطينه عليهم قد إيه . ؟
- ما هو مافيش ميه هنا علشان يستحموا فخامتك . . الحكومه رفضت توصلهم ميه وكهربا علشان تجبرهم إنهم يسيبوا المنطقه المعفنه دى ويروحوا يسكنوا فى مناطق تانيه نظيفه . علشان كده فخامتك هما ما بيستحموش
- الله . . طيب لما هو ما فيش عندهم ميه ؟ طيب البرك والمستنقعات اللى ماليه الشوارع دى جت منين ؟
- ما هى دى مية المجارى يا ريس . . أصل المنطقه دى حواليها مناطق تانية نظيفة وهاى لايف والناس اللى عايشين فيها بيستحموا كل يوم وطبعاً لازم يصرفوا مية المجارى . . طيب هايصرفوها فين غير هنا يا فخامتك ؟

جميلة جدا بس انا حاسس ان حلموس ده بيبالغ شوية فى التلميع

هههههه

لا وحياتك مش بيلمع .. هو نجار حاليا

هههههههههه
استقال من الجامعة ولا ايه
بس بالله عليك بلاش وحياتك دى اصلها بتجبلى اكتئاب خصوصا انها شرك

ده مجرد تعبير مش مقصود بيه الحلفان

سيبك من شوية باعين الدين البي يقولوك كده

يعني هو انا كده مؤمن والعياذ بالله بالشرك ده ولا مجرد تعبير

فنكروا شويةا قبل ما تاهخدوا على كلامهم

يابنى الشرك ينقسم لقسمين شرك أصغر و شرك أكبر
الشرك الأصغر منقص من توحيد العبد اما الاكبر مخرج من الملة
لما تحلف بغير الله حتى لو قاصد بيها التعبير و مش قاصد بيها التعظيم فانت بتساوى مخلوق بالله لان الحلف عبادة و الرسول قال "اضمن لى مابين شدقيك و مابين فخذيك اضمن لك الجنة" أو فيما معناه و قال "وهل يكب الناس على وجوههم فى النار الا حصائد السنتهم و المفروض ان احنا نحفظ الله و نحفظ له كبرياءه و ماينفعش نتلاعب بالكلام

اما لو بتحلف تعظيم للمحلوف و انك بتحطه فى مقام الله فى الحلف فده شرك أكبر مخرج من الملة و مش محتاج اشرحها

نفس الي سمعته هقوله .. لو شفت مسلسل يوسف الصديق
معناه ان انت بتشبعه الممثل بالنبي

وعلى كلام السلفيين ده يدخل في دائرة مش عارف ايه على ايه ولفة طويلة كده خلصوها بالشرك

لا يا محمد

لما قول مثلا والني

يعني انا بختصر : (( وعزة وجلال عبد الله ورسوله عنده ارجوا كذا )) يعني زي ما اقول لو كنت بتحب ربنا اعمل كذا لكن بصيغة فيها ادب شوية

مش عارف ليه بداتوا تكرهونى فى الابتسامات

يا احمد ما تلفش و تدور لو عايز تحلف الحلف الطويل بتاعك ده ماشي مع انى مافضلهوش بس و النبى واضحة جدا ده تعظيم للنبى
ما ممكن على كده اقول والله دى (و عزة وجلال الله عندك) يعنى لو بتحب ربنا بس المعنى واضح الحلف تعظيم للمحلوف به و حرف الـ(و) هو أداة اليمين و الحلف و اللى بعده هو المحلوف به و النبى المحلوف به النبى مش عزة و جلال النبى عند ربنا ايه اللفة دى

ههههه

ماشي

الحمد لله